• Newscoop-ზე გამოქვეყნება
• დასაწყისი
• დეშბორდი
• როგორ ცვლის ნებართვები ინტერფეისს
• მთავარი მენიუ
• პუბლიკაციის შექმნა
• თემის არჩევა
• გამოცემის შექმნა
• სექციის შექმნა
• სტატიის შექმნა
• სტატიის რედაქტირება
• TinyMCE რედაქტორის გამოყენება
• გვერდითი პანელი
• პლაგინების გამოყენება
• სტატიის თარგმნა
• კონტენტის მართვა
• XML-ის იმპორტირება
• სტატიების გამოქვეყნება
• გამოცემის გამოქვეყნება
• სტატიის კომენტარები
• კომენტარების მოდერირება
• Newscoop-ის ადმინისტრირება
• სისტემის პრიორიტეტები
• თემები
• სტატიის ტიპები
• საკითხები
• ენები
• ქვეყნები
• ლოკალიზატორი
• აღრიცხვა
• მხარდაჭერა
• გამოსახულების რენდერი
• მომხმარებელთა მართვა
• ავტორთა მართვა
• პლაგინების ინსტალაცია

თემის არჩევა

მას შემდეგ, რაც შექმნით პუბლიკაციას, მომდევნო ნაბიჯია თემის არჩევა, რომელიც განსაზღვრავს პუბლიკაციის იერსახეს და ფუნქციონალურობას თქვენი მკითხველისთვის. დააჭირეთ თემებს, კონფიგურაციის ქვემენიუზე. 

გაიხსნება თემის მართვის გვერდი, რომელიც აჩვენებს ცხრილს თქვენი სისტემის ადმინისტრატორის მიერ დაინსტალირებული თემებით, როგორებიცაა, მაგალითად, The New Custodian ან Rockstar. თქვენ ასევე შეგხვდებათ თემა სახელწოდებით Empty, რომელიც არის ჩონჩხი თქვენი საკუთარი თემის შესაქმნელად. გაეცანით ტექნიკურ სახელმძღვანელოს Newscoop 4 Cookbook, თემის შექმნის შესახებ დეტალებისთვის.

თითოეულ არსებულ პუბლიკაციას აქვს შესაბამისი ჩანართი ცხრილის დასაწყისში, მაგალითად, "The Prague Times".

თითოეულ თემაში მოცემული შაბლონის გადახედვა შესაძლებელია ცხრილის მარცხენა მხარეს არსებულ ფანჯარაში, მაუსის გადატარებით გამოცემების გვერდის, სექციების გვერდის და სტატიების გვერდის ბმულებზე. დააჭირეთ ნებისმიერ ბმულს, კონტექსტურ ფანჯარაში უფრო დიდი ზომის ესკიზის სანახავად. კონტექსტური ფანჯრის დახურვა შესაძლებელია ზედა მარჯვენა კუთხეში x სიმბოლოზე დაჭერით.

იმისთვის რომ, თქვენს თემას ახალი პუბლიკაცია მიანიჭოთ, დააჭირეთ ბმულს მოქმედებები, ცხრილის მწკრივის მარჯვენა ზედა მხარეს, თქვენ მიერ არჩეული თემისთვის. კონტექსტურ მენიუზე, რომელიც გამოჩნდება, დააჭირეთ ბმულს პუბლიკაციაში დამატება, შემდეგ კი იმ პუბლიკაციის სახელს, რომელიც შექმენით. ეს მოქმედება ქმნის თემის დამოუკიდებელ ასლს თქვენი პუბლიკაციისთვის. თქვენს პუბლიკაციაზე არ იმოქმდებს არანაირი ცვლილება, რომელიც განხორციელდება მოცემულ თემაზე სხვა პუბლიკაციებისთვის იმავე Newscoop სერვერზე.

Newscoop-მა უნდა გაჩვენოთ შეტყობინება, რომ მინიჭება წარმატებით განხორციელდა, მოქმედებების მენიუს ზემოთ. თქვენი პუბლიკაციის ჩანართი ახლა უნდა აჩვენებდეს თქვენ მიერ არჩეულ თემას. თემის პუბლიკაციიდან უკუგდება შესაძლებელია ამ ჩანართში მოცემული მოქმედებების კონტექსტური მენიუს მეშვეობით, თუ თემა არ არის გამოყენებული მოცემული პუბლიკაციის რომელიმე გამოცემაში. 

ახლა თქვენ უნდა გადატვირთოთ გამოსახულების რეპროდუქციები ახალი თემის შესაბამისად - იხილეთ თავი გამოსახულების რენდერი დეტალებისთვის. 

თემების იმპორტი და ექსპორტი 

Newscoop-ში ახალი თემის დამატება შესაძლებელია თემის იმპორტის ღილაკზე დაჭერით თემების მართვის გვერდზე. 

ეს მოქმედება ხსნის დიალოგურ ფანჯარას, რომელიც საშუალებას გაძლევთ აირჩიოთ თემის ფაილი თქვენი კომპიუტერიდან. დააჭირეთ Browse ღილაკს თემის დაზუპული ფაილის მოსაძიებლად, შემდეგ დააჭირეთ იმპორტის ღილაკს.

Newscoop-მა უნდა შეგატყობინოთ, რომ იმპორტირება წარმატებით განხორციელდა. ახალი თემა კი უნდა აისახოს ცხრილში თემების მართვის გვერდზე.  

თემის ექსპორტირებისთვის, დააჭირეთ ბმულს მოქმედებები ცხრილის მწკრივის მარჯვენა მხარეს, თქვენ მიერ არჩეული საექსპორტო თემისთვის. შემდეგ დააჭირეთ Zip-ის ექსპორტირებას კონტექსტურ მენიუზე. შემდეგ კი თქვენი ვებ ბრაუზერი გადმოტვირთავს Zip ფაილს თქვენს კომპიუტერში.