Newscoop 4.1 ჟურნალისტებისა და რედაქტორებისთვის

პუბლიკაციის შექმნა

Newscoop-ის კონტენტი ორგანიზებულია იერარქიული სტრუქტურის მიხედვით, რომელიც შეესაბამება გაზეთებისა და ჟურნალების ტრადიციას: პუბლიკაციები, გამოცემები, სექციები და სტატიები. თითოეული პუბლიკაცია შედგება გამოცემებისგან; თითოეული გამოცემა კი თავის მხრივ შედგება სექციებისგან, რომლებიც შედგება სტატიებისგან.

ბმულების "Breadcrumb ბილიკი" მოცემულია ადმინისტრირების ინტერფეისის გვერდზე, მთავარი სანავიგაციო მენიუს ქვეშ, რომელიც იძლევა სხვადასხვა პუბლიკაციების იერარქიებს შორის სწრაფი ნავიგაციის საშუალებას. ეს იერარქია ასევე ნაჩვენებია კონტენტის მენიუს ქვედა ბოლოში, იმ შემთხვევაში, თუ შექმნილია რაიმე პუბლიკაცია.

მაგალითად, თუ დააჭერთ პუბლიკაციას სახელწოდებით "Prague Times", დაინახავთ ამ გაზეთის გამოცემების ჩამონათვალს. კონკრეტული გამოცემის სახელზე ან ნომერზე დაჭერით, თქვენ გადახვალთ მისი სექციების ჩამონათვალში. სექციის სახელზე დაჭერით კი, გადახვალთ სტატიების სიაზე. სიაში მოცემული სტატიის სათაურზე დაჭერით, თქვენ შეძლებთ სტატიის რედაქტირებას.

თქვენი სისტემის ადმინისტრატორს შესაძლოა უკვე შეექმნა თქვენთვის პუბლიკაცია. ახალი პუბლიკაციის შესაქმნელად, დააჭირეთ კონტენტს მთავარ სანავიგაციო მენიუში და შემდეგ დააჭირეთ პუბლიკაციებს ქვემენიუდან. გვერდზე პუბლიკაციების ჩამონათვალი რომელიც გამოჩნდება, დააჭირეთ ღილაკს ახალი პუბლიკაციის დამატება.

თუ თქვენი ავტორიზაციის ანგარიშს არ აქვს ადმინისტრატორის უფლებები, თქვენ ვერ დაინახავთ ოფციას ახალი პუბლიკაციის დამატება. თქვენ შეიძლება მოგიწიოთ თხოვოთ თქვენს ადმინისტრატორს გაზარდოს თქვენი წვდომის უფლებები. თუმცა, გაითვალისწინეთ რომ კარგი ადმინისტრატორი თავს აარიდებს რამდენიმე ადამიანზე მეტი პირისთვის ასეთი უფლებების გადაცემას. თუ თქვენ არ ხართ ამ რჩეულ პირებს შორის, თქვენი პუბლიკაციების სია შეიცავს მხოლოდ იმ პუბლიკაციებს, რომლების ჰოსტინგიც თქვენს Newscoop სერვერზე უკვე ხორციელდება.

ფანჯარას ახალი პუბლიკაციების დამატება აქვს სამი სექცია; მთავარი ატრიბუტები და კომენტარები მარცხენა მხარეს, ასევე ნაგულისხმევი გამოწერები მარჯვენა მხარეს. ამ სექციების ქვეშ მოთავსებულია ღილაკი დამახსოვრება.

სექციაში მთავარი ატრიბუტები მოცემულია შემდეგი ველები:

გამოცემის სახელი (მაგ. "The Prague Times")
ნაგულისხმევი საიტის მეტსახელი ეს არის იმ ვებ სერვერის სახელი, რომელზეც განხორციელდება თქვენი პუბლიკაციის ჰოსტინგი (მაგ. www.example.com). ეს მეტსახელი უნდა შეესაბამებოდეს სერვერისსახელს, რომელიც კონფიგურირებულია ვებ სერვერისთვის თქვენი სისტემის ადმინისტრატორის მიერ, იმ შემთხვევის გარდა, როდესაც Newscoop დაინსტალირებულია ქვემისამართზე, როგორიცაა www.example.com/ქვემისამართი/ ან მსგავსი. Newscoop იძლევა მრავალი პუბლიკაციის ჰოსტინგის საშუალებას ერთსა და იმავე ფიზიკურ ვებ სერვერზე, რომელიც ითვალისწინებს თქვენი სისტემის ადმინისტრატორის მიერ შექმნილ უნიკალურ მეტსახელს თითოეული პუბლიკაციისთვის. თუ თქვენ ეცდებით მეტსახელის მქონე URL მისამართზე შესვლას, სანამ ეს პარამეტრები უზრუნველყოფილია, თქვენ დაინახავთ შეტყობინებას ხარვეზის შესახებ, რომელიც შეგატყობინებთ, რომ მეტსახელი ჯერ არ არის მინიჭებული პუბლიკაციისთვის.
ნაგულისხმევი ენა უზრუნველყოფს ნაგულისხმევ ენას პუბლიკაციის მკითხველებისთვის
URL-ის ტიპი საშუალებას გაძლევთ, არჩევანი გააკეთოთ სრული URL მისამართის და მოკლე URL-ის გამოსახვას შორის; უკანასკნელი უმჯობესია საინფორმაციო ბიულეტენებში და სოციალური მედიის პოსტებში ჩასასმელად.
საძიებო სისტემის ოპტიმიზაციის მოსანიშნი კვადრატი დაგეხმარებათ თქვენი სტატიების მოძიებაში ინტერნეტში.

სექციაში კომენტარები მოცემულია შემდეგი ველები:

კომენტარების დაშვება მონიშნეთ ეს კვადრატი, თუ გსურთ რომ თქვენს მკითხველებს შეეძლოთ სტატიაზე კომენტარის გაკეთება
სტატაზე კომენტარების დაშვება, როგორც ნაგულისხმევი პარამეტრი ამ კვადრატის მონიშვნის შემთხვევაში, კომენტარები ყოველ ახალ სტატაზე იქნება "დაშვებული", როგორც ნაგულისხმევი პარამეტრი
გამომწერთა კომენტარების მოდერირება ამ კვადრატის მონიშვნის შემთხვევაში, გამომწერთა კომენტარები დამალული იქნება მკითხველისთვის, მანამ სანამ, მათ არ განიხილავს პერსონალის წევრი
საჯარო კომენტარების დაშვება მონიშნეთ ეს კვადრატი, თუ გსურთ რომ არა-გამომწერებს ჰქონდეთ უფლება გააკეთონ კომენტარი სტატიებზე
საჯარო კომენტარების მოდერირება ამ კვადრატის მონიშვნის შემთხვევაში, არა-გამომწერთა კომენტარები დამალული იქნება მკითხველისგან, მანამ სანამ, მათ არ განიხილავს პერსონალის წევრი
CAPTCHA-ს გამოყენება სპამის ასარიდებლად მკითხველმა უნდა აკრიფოს შემთხვევითი წესით გენერირებული ასოები ან ციფრები, სანამ იგი შეძლებს კომენტარის დაპოსტვას
მოდერატორის მისამართი თუ კომენტარები მოდერირებულია, ყოველი კომენტარის დაპოსტვისას ელ-ფოსტის გაგზავნა მოხდება მისამართზე, როგორიცაა, მაგალითად: 'editor@example.com'
გამომგზავნი არის გამომგზავნის ელ-ფოსტის მისამართი, რომელიც წარმოდგენილია მოდერატორისთვის გაგზავნილ ელ-ფოსტაში, რომელიც ბლოკის დაყენების შემთხვევაში უნდა წარმოადგენდეს ვალიდურ მისამართს. მისაღებია მისამართი, როგორიცაა მაგალითად: 'robot@example.com'

გამოწერების ნაგულისხმევი პარამეტრები

გვერდის მარჯვენა მხარეს არსებული ველები უკვაშირდება გამოწერებს, რომლების შეცვლაც თქვენ მოგვიანებით შეგიძლიათ სურვილისამებრ. პირველ რიგში, თქვენ უნდა აირჩიოთ დროის ერთეული თქვენი გამოწერებისთვის; რაც შეიძლება იყოს დღეების, თვეების, კვირების ან წლების პერიოდები.

თქვენ შეგიძლიათ დააყენოთ ორი ტიპის გამოწერები: ფასიანი და საცდელი. ფასიან გამოწერებს გააჩნია შემდეგი პარამეტრები:

ვალუტა: გამოწერის ვალუტა. იმ შემთხვევაშიც კი, თუ გამოწერის მოთხოვნა გაგზავნილია და ვალუტის პარამეტრი შეცვლილია გადახდამდე, ინფორმაცია გამომწერის გადახდის შესახებ სწორად იქნება წარმოდგენილი
დროის ერთეულის ღირებულება ერთი სექციისთვის:

ერთ ენაზე: ფასი კონკრეტულ სექციაზე ნებართვისთვის, ერთ ენაზე
ყველა ენაზე: ფასი კონკრეტულ სექციაზე ნებართვისთვის, ყველა არსებულ ენაზე

ნაგულისხმევი დროის პერიოდი: ფასიანი გამოწერის ჩვეულებრივი ხანგრძლივობა. ეს მნიშვნელობა გამოიყენება, როდესაც მკითხველი გამოწერას ვებგვერდის მეშვეობით ასრულებს. კონკრეტული გამოწერის პერიოდის მოდიფიცირება შესაძლებელია ადმინისტრირების ინტერფეისდან

დამახსოვრების ღილაკზე დაჭერით, Newscoop დაადასტურებს, რომ ახალი პუბლიკაცია შექმნილია.

გამოწერის მართვა ქვეყნების მიხედვით

თქვენ ნებისმიერ დროს შეგიძლიათ დაუბრუნდეთ ამ გვერდს პუბლიკაციების ჩამონათვალში, კონფიგურაციის სიმბოლოზე დაჭერით. გამოწერების ნაგულისხმევი პარამეტრების ველების მარჯვენა მხარეს, ახლა გამოჩნდება ბმული გამოწერის პარამეტრების მართვა ქვეყნების მიხედვით, რაც საშუალებას მოგცემთ, განსაზღვროთ სხვადასხვა ნაგულისხმევი დროის პერიოდები ინდივიდუალური ქვეყნების მიხედვით.

ბმული გახსნის გვერდს გამოწერის პარამეტრების მართვა ქვეყნების მიხედვით, რომელიც შეიცავს ბმულს გამოწერის პარამეტრების მართვა ქვეყნების მიხედვით.

თუ გაყვებით ამ ბმულს, იგი გახსნის გვერდს ჩამოსაშლელი მენიუთი განხილული ქვენყების ასარჩევად, დამატებით ველებს ნაგულისხმევი საცდელი და ფასიანი გამოწერების პერიოდებისთვის. დამახსოვრების ღილაკზე დაჭერით, თქვენ დაბრუნდებით გვედზე გამოწერის პარამეტრების მართვა ქვეყნების მიხედვით, რომელიც უკვე უნდა აჩვენებდეს ახლახანს დაყენებულ პარამეტრებს.

დებატები

პუბლიკაციის კონფიგურირების გვერდის ბოლოში მოცემულია არე, რომელიც დასათაურებულია როგორც დებატები. დააჭირეთ ღილაკს რედაქტირება, კონტექსტური ფანჯრის გასახსნელად, რომელშიც თქვენ შეგიძლიათ აირჩიოთ ახალი დებატის დამატება, რათა დაუმატოთ დებატი პუბლიკაციას.

შეიყვანეთ დებატის თარიღები, დებატის შეკითხვის დეტალები და სავარაუდო პასუხები. შემდეგ დააჭირეთ ღილაკს დამახსოვრება.

ახალი დებატი ახლა წარმოდგენილი იქნება ჩამოსაშლელ ფანჯარაში.